An bhfuil sé de cheart agam oide le Gaeilge a bheith agam?
Tá! Má tá oide uait a bhfuil Gaeilge acu, seol ríomhphost go hOifig an Oide Shinsearaigh This email address is being protected from spambots. You need JavaScript enabled to view it.
An féidir liom mo ghnó a dhéanamh trí Ghaeilge sa leabharlann?
Is féidir! Bíonn duine le Gaeilge ag obair sa leabharlann
An bhfuil spás lán-Ghaeilge ar fáil dom?
Tá! Tá seomra na Gaeilge suite i seomra 8 san Aitriam (doras taobh thiar den bhutrach, agus ar an úrlár is airde den staighre. Tá fáilte roimh chách bualadh isteach gach lá le haghaidh cupán tae nó caife saor in aisce, agus comhrá. Tá an seomra oscailte ó 9rn-5in le linn na seachtaine.
An bhfuil sé de cheart agam mo shloinne a aistriú go Gaeilge sa Choláiste?
Tá! Is féidir d’chéadainm agus/nó do shloinne a aistriú go Gaeilge
An féidir liom mo thráchtas a scríobh i nGaeilge?
Tá sé seo ag brath ar do scoil áirithe. Tá mic léinn i scoileanna éagsúla tar éis seo a dhéanamh thar na blianta. Moltar teagmháil a dhéanamh le do Sstiúrthóir tráchtais agus i ndiaidh cead a fháil, teagmháil a dhéanamh le duine i do scoil le Gaeilge, nó Roinn na Gaeilge le duine a fháil chun do thráchtas a cheartú. Tá gach fáilte romhat teagmháil a dhéanamh le Oifigeach Gaeilge AMLCT ag This email address is being protected from spambots. You need JavaScript enabled to view it. le breis tacaíochta agus cabhair a fháil.
Glac Páirt i Saol na Gaeilge ar an gCampas
Éigse na Tríonóide
Seachtain feasachta na Gaeilge í Seachtain na hÉigse a bhíonn á reachtáil ag Oifig na Gaeilge agus Aontas na Mac Léinn. Bíonn imeachtaí saor in aisce ar siúl ar an gcampas agus bíonn idir oícheanta sóisialta, sheisiúin cheoil, phlé painéil agus fógraítear clár ama na seachtaine roimh ré. Téitear i dteagmháil le This email address is being protected from spambots. You need JavaScript enabled to view it. le ceist ar bith nó le haghaidh tuilleadh eolais ar an tseachtain.
Cumann Gaelach
Tá Cumann Gaelach an Choláiste ar cheann de na cumainn is mó ar an gcampas. Gach bliain, eagraíonn siad céilithe, ceoldráma, díospóireachtaí agus oícheanta iontacha amach. Cuireann an Cumann lón saor in aisce ar fáil gach Céadaoin i Seomra na Gaeilge. Is féidir coinneáil suas chun dáta lena gcuid imeachtaí trí @cumanngaelachtcd a leanúint ar na meáin.
An Scéim Cónaithe
Is féidir iarratas a dhéanamh ar an Scéim Cónaithe Gaeilge le bheith i do chónaí le cainteoirí Gaeilge eile mar mhac léinn fochéime. Tugtar cóiríocht do mhic léinn in árasáin i Halla na Tríonóide i nDartraí agus i mBá na Luibheolaíochta ar an gcampas. Ina theannta sin, tugtar sparántacht €1000 do mhic léinn ar an Scéim as tionscadail a chur i gcrích ag cur an teanga chun cinn. Osclaíonn an próiseas iarratas do mhic léinn reatha i mí Feabhra/ Márta, agus do mhic léinn ag dul isteach sa chéad bhliain i mí Aibreáin. Tá gach eolas eile maidir leis an Scéim Cónaithe ar fáil ag https://www.tcd.ie/gaeloifig/sceim-chonaithe/
Deiseanna scríbhneoireachta trí Ghaeilge
Bíonn nuachtáin na Tríonóide, The University Times agus Trinity News, de shíor ag lorg píosaí scríofa trí Ghaeilge. Foilsíonn an Cumann Gaelach irisleabhar darb ainm Tuathal le píosaí litríochta gach téarma chomh maith, téitear i dteagmháil le This email address is being protected from spambots. You need JavaScript enabled to view it. le haghaigh tuilleadh eolais.
Conas Feabhas a Chur ar Do Chuid Gaeilge/ Cáilíocht a Bhaint Amach
Ranganna Gaeilge saor in aisce
Bíonn ranganna Gaeilge á reachtáil ag Oifig na Gaeilge i gcomhpháirt le Gaelchultúr ag leibhéil éagsúla ó bhunleibhéal (A1) go hard-mheánleibhéal (B2). Tá na ranganna comhoiriúnach le Teastas Eorpach na Gaeilge.
Ciorcal Comhrá
Ar siúl go seachtainiúil sa bhialann an Bhutrach gach Céadaoin ag 10:30in, ar an taobh deas den phríomhdhoras. Cuirtear fáilte roimh mhic léinn, baill foirne agus an pobal.
Cúrsaí Eile
Muna bhfuil an Ghaeilge mar ábhar céime agat agus tá tú ag iarraidh cáilíocht a bhaint amach inti, reáchtálann Gaelchultúr ranganna (íoctha) ar líne agus i bpearsa trí réimse leathan cúrsaí, idir theastas sa Gaeilge gairmiúil agus dioplóma iarchéime san aistriúcháin.
Deiseanna Fostaíochta
Oifig na Gaeilge
Bíonn Oifig na Gaeilge ag lorg mic léinn le hobair neamhrialta a dhéanamh dóibh. Téitear i dteagmháil le This email address is being protected from spambots. You need JavaScript enabled to view it. le heolas ar na deiseanna seo a fháil.
Eile
Bíonn Gael Linn, Gaelchultúr agus Siopa Leabhar/ Club Chonradh na Gaeilge ag earcú le haghaidh obair phártaimseartha go rialta. Coinnítear súil ar a gcuid meán nó breathnaítear ar https://peig.ie/foluntais/ le haghaidh folúntas i gcomhair poist trí Ghaeilge.
